Тоқаев Наурыз мерекесіне қатысты

Мемлекет басшысы Қасым-Жомарт Тоқаев Түркістанда Наурыз мерекесіне арналған қоғамдық мерекелік шараларға қатысты, деп хабарлайды KAZ.NUR.KZ Ақордаға сілтеме жасап.

Ақорда мәліметінше, президент Қасым-Жомарт Тоқаев Наурыз мейрамы өтіп жатқан "Керуен сарай" кешеніне барды.

️Мемлекет басшысының назарына еліміздің тарихи-мәдени мұрасын паш ететін арнайы бағдарлама ұсынылды.

️Қасым-Жомарт Тоқаевқа қыш және ағаш шеберлерінің жұмыстары, тігін мен зергерлік өнер үлгілері, тері бұйымдары, сондай-ақ сан алуан дәстүріміз бен рухани қазынамызды бейнелеген суретшілердің туындылары көрсетілді.

️Бұдан бөлек президент ұлттық спорт ойындарын тамашалады.

️Іс-шара барысында қазақ күресі, гір тасын көтеру, қол күресі, асық ату, арқан тарту, жамбы ату, тоғызқұмалақ, ләңгі тебу және қошқар көтеру сияқты ойындар ұйымдастырылды.

Мәтіннен қате тапсаңыз, бізге жазыңыз