Глубокое ауданында Құрылтай депутаттарын сайлау қалай өтіп жатыр

Бүгін, 23 тамызда, Қазақстанда Құрылтай депутаттарын сайлау өтуде. Таңертеңнен бастап сайлау комиссиялары өз жұмыстарын бастап, алғашқы минуттардан-ақ азаматтарды қабылдап, өздерінің азаматтық ұстанымдарын білдіруге келген тұрғындарға қызмет көрсетуде, деп хабарлайды Глубокое ауданының әкімдігі.

Жалпы республика бойынша сайлау учаскелері сағат 07:00-де ашылды. Көптеген елді мекендерде алғашқы сайлаушылар учаскелерге ашылу уақытынан бұрын келді.

Глубокое ауданында 41 сайлау учаскесі жұмыс істеп жатыр, оның біреуі – жабық сайлау учаскесі. Әр учаскеде дауыс беруді өткізу үшін барлық қажетті жағдай жасалған.

Сайлау күні азаматтардың белсенділігімен ерекшеленуде. Аудан тұрғындары өздерінің саналы таңдауын жасау және еліміздің болашағын қалыптастыруға қатысу үшін сайлау учаскелеріне келуде.

Тұрғындар үшін мерекелік бағдарлама да ұйымдастырылған. Атап айтқанда, концерттік іс-шаралар мен жәрмеңкелер өткізілуде. Осылайша, дауыс беру күні маңызды қоғамдық-саяси оқиға ғана емес, тұрғындарды біріктіретін айтулы күнге айналуда.

Әрбір дауыс – өз ұстанымыңды білдіріп, Қазақстанның болашағына өз үлесіңді қосудың мүмкіндігі.

"Бүгін мен үшін ерекше күн, өйткені Құрылтай сайлауына алғаш рет қатысып отырмын. Әрбір азамат өзінің сайлау құқығын пайдаланып, елінің болашағын таңдауға атсалысуы керек деп есептеймін", - деді Владимиров Матвей Александрович.

"Бүгін біз сайлау учаскесіне бүкіл отбасымызбен келдік. Балаларымызға өз үлгіміз арқылы азаматтық жауапкершіліктің әрқайсымыздан басталатынын көрсету біз үшін маңызды. Біз өз таңдауымызды жасадық және Қазақстанның болашағына сенеміз", - деді Щербининдер отбасы.

"Бүгін мен өз болашағым үшін дауыс беруге келдім. Біз, жас ұрпақ, ел өміріне белсенді араласып, Қазақстанның ертеңі қандай болатыны біздің белсенді азаматтық ұстанымымызға да байланысты екенін түсінуіміз маңызды", - деді Рочилов Иван Александрович.

Мәтіннен қате тапсаңыз,бізге жазыңыз