ОСК Құрылтай сайлауының алдын ала нәтижелерін жариялады

Орталық сайлау комиссиясы 23 тамызда өткен ҚР Құрылтайы депутаттарын сайлау бойынша дауыс берудің алдын ала нәтижелерін жариялады, деп хабарлайды KAZ.NUR.KZ.

Орталық сайлау комиссиясының төрағасы Нұрлан Әбдіров брифингте осы уақытқа дейін Қазақстанның барлық өңірінде және шет елде барлығы 10 423 сайлау учаскесінде дауыстарды санау аяқталғанын мәлім етті.

Қазіргі уақытта аумақтық сайлау комиссиялары дауыс беру нәтижелері туралы хаттамалардың электрондық көшірмелерін ұсынған.

Ол Қазақстанда дауыс беру құқығына ие 12 623 289 адам бар екенін және сайлауға қанша адам қатысқанын айтты.

"Сайлауға 9 351 539 адам немесе тізімге енгізілген азаматтардың 74,08 пайызы қатысты", - деді ҚР Орталық сайлау комиссиясының төрағасы.

Алдын ала нәтиже бойынша бес пайыздық шектен бес партия өткен:

• "Әділет" – 71,17 пайыз;
• "Ауыл" – 6,26 пайыз;
• Respublica – 5,56 пайыз;
• ЖСДП – 5,11 пайыз;
• "Ақ жол" – 5,21 пайыз дауыс жинаған.

Сайлауға қатысқан қалған екі партия жеткілікті дауыс жинай алмаған.

• Қазақстан Халық партиясы – 3,11 пайыз;
• "Байтақ" – 1,07 пайыз.

Сайлаушылардың 2,51 пайызы "бәріне қарсымын" деген нұсқаға дауыс берген.

Мәтіннен қате тапсаңыз,бізге жазыңыз