Қазақстанда заңнама Конституция нормаларын ескере отырып, түзетіледі

Қазақстанда заңнама түзетіледі. Бұл туралы Құрылтайдың алғашқы отырысында президент Қасым-Жомарт Тоқаев мәлімдеді, деп хабарлайды Ақордаға сілтеме жасаған KAZ.NUR.KZ.

"Жаңа Конституция нормаларын ескере отырып, еліміздің заңнамасына түзетулер енгізу қажет.

Жаңа конституциялық жүйеге өту барысында бұрынғы парламент негізгі билік институттарының қызметін қамтамасыз ететін бірқатар маңызды заңды қабылдады.

Енді Құрылтай әр салаға қатысты заңнаманы мұқият саралап, олардың Конституция қағидаттарына сай болуын қарауы керек.

Құрылтай заң шығару үдерісінің тұрақтылығы мен сапасын қамтамасыз етуі керек.

Бұған дейін сенат мәжіліс қабылдаған заңдардың Конституцияға сәйкестігін, құқықтық тұрғыдан дұрыстығын, нормалардың өзара үйлесімділігін тексеріп отырды. Бұл жұмысты жандандыру қажет", - деді президент.

Мәтіннен қате тапсаңыз,бізге жазыңыз