Қасым-Жомарт Тоқаев еңбек демалысына шықты

Мемлекет басшысы Қасым-Жомарт Тоқаев қысқа мерзімді еңбек демалысына шықты. Бұл туралы Ақорда Telegram-дағы арнасында хабарлады.

"Мемлекет басшысы Қасым-Жомарт Тоқаев 23-26 шілде аралығында қысқа мерзімді еңбек демалысына шығады", - делінген хабарда.

Еске салсақ, бұған дейін Қасым-Жомарт Тоқаев Қазақстан халқының және жеке өзінің атынан Әбдел Фаттах Ас-Сиси мен мысырлықтарды осы елдің ұлттық мейрамы – Революция күнімен құттықтады.

Сонымен бірге Тоқаев Иранның жаңадан сайланған президенті Масуд Пезешкианды жеңісімен құттықтап телефон арқылы сөйлескен болатын.

Әңгімелесу барысында екі ел басшылары қазақ-иран қатынастарын одан әрі нығайтуға өзара ниетті екенін растады.