Тоқаев осы аптада Тәжікстанға мемлекеттік сапармен барады
Опубликовано:
22-23 тамыз күндері Қазақстан президенті Қасым-Жомарт Тоқаев Тәжікстан Республикасына мемлекеттік сапармен барады. Бұл туралы Ақорда Telegram-дағы арнасында хабарлады.
Сапар аясында шағын құрамда және екі ел үкіметтері делегацияларының қатысуымен жоғары деңгейде келіссөздер өтеді.
Мемлекет басшысы Қасым-Жомарт Тоқаев пен Тәжікстан президенті Эмомали Рахмон Қазақстан мен Тәжікстан арасындағы стратегиялық серіктестіктің қазіргі жай-күйі мен даму перспективасын талқылайды.
Сондай-ақ екі елдің cаяси, сауда-экономикалық және мәдени-гуманитарлық салалардағы ынтымақтастығын нығайтуды көздейтін бірқатар құжатқа қол қойылады деп жоспарланып отыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2150473-22-23-tamyz-kunderi-qazaqstan-prezidenti-tazhikstan-respublikasyna-memlekettik-saparmen-barady/