Тоқаев Аустрияның президентіне құттықтау жеделхатын жолдады

Мемлекет басшысы Аустрияның Федералдық Президентіне құттықтау жеделхатын жолдады. Бұл туралы Ақорда хабарлайды.

Қасым-Жомарт Тоқаев Александр Ван дер Белленді Аустрия Республикасының ұлттық күнімен құттықтады.

Президент жеделхатында екі ел арасындағы ынтымақтастық қарқынды дамып келе жатқанын атап өтті. Сонымен қатар бірлескен күш-жігер арқылы Қазақстан мен Аустрияның ықпалдастығы қос халықтың игілігі үшін беки түсетініне сенім білдірді.

Қасым-Жомарт Тоқаев Александр Ван дер Белленге және Аустрия халқына құт-береке тіледі.

Мәтіннен қате тапсаңыз, бізге жазыңыз