Тоқаевтың Мажарстанға сапары құрметіне салтанатты қабылдау өтті (фото)

Қазақстан басшысы Қасым-Жомарт Тоқаев Мажарстан премьер-министрі Виктор Орбанның атынан салтанатты қабылдауға қатысты. Бұл туралы Ақордаға сілтеме жасаған KAZ.NUR.KZ хабарлайды.

Ақорданың Telegram-дағы арнасында пайда болған ақпаратқа сәйкес, Мажарстан премьер-министрінің кеңсесі орналасқан ғимаратта мемлекеттік сапармен келген Қазақстан президентінің құрметіне салтанатты қабылдау ұйымдастырылды.

Мемлекет басшысы Қасым-Жомарт Тоқаев қазақ делегациясына көрсеткен қонақжайлығы мен достық пейілі үшін Виктор Орбанға ризашылығын білдірді.

Естеріңізге сала кетейік, кеше президент Қасым-Жомарт Тоқаев мемлекеттік сапармен Венгрияға келді. Оны Будапешт әуежайында Виктор Орбан күтіп алды.

Сондай-ақ іс-сапары кезінде мемлекет басшысы Будапештте қазақстандық студенттермен кездесіп, сөйлескен болатын.