Тоқаев Сауд Арабиясына ұшып келді (фото)

Қазақстан президенті Қасым-Жомарт Тоқаев Сауд Арабиясына жұмыс сапарымен келді. Бұл туралы Ақордаға сілтеме жасаған KAZ.NUR.KZ хабарлайды.

Ақорданың Telegram-дағы ресми арнасында жарияланған ақпарат бойынша, мемлекет басшысы Қасым-Жомарт Тоқаев Сауд Арабиясына One Water саммитіне қатысу үшін барған.

"Халықаралық форум Қазақстан мен Францияның төрағалығымен, Сауд Арабиясы және Дүниежүзілік банк тобының қолдауымен өтеді", - делінген хабарламада.

Сонымен қатар президент Қасым-Жомарт Тоқаев Эр-Риядта бірқатар кездесу өткізуді жоспарлап отыр.

Самиттің ресми сайтында One Water жиыны 3 желтоқсанда Эр-Риядта өтетіні айтылған.

Саммиттің мақсаты – БҰҰ-ның 2026 жылы өтетін су жөніндегі келесі конференциясына дайындық кезеңі аясында шешімдер инкубаторы ретінде әрекет ету.