Астана - Дели бағыты бойынша тікелей рейс ашылады

Биыл Үндістан мен Қазақстан астаналары арасында жаңа бағыт іске қосылады. Аптасына үш рейс орындалады, деп хабарлайды KAZ.NUR.KZ Көлік министрлігінің Telegram-дағы ресми арнасына сілтеме жасап.

Көлік министрлігі️нің хабарлауынша, 5 ақпанда Қазақстанның авиациялық билігі Астана қаласының халықаралық әуежайы өкілдерінің қатысуымен "Indigo" үнді "лоу-кост" әуе компаниясының басшылығымен кездесу өткізді.

"Биыл 14 мамырдан бастап "Indigo" әуе компаниясы Астана – Дели бағыты бойынша жаңа бағыт ашуды жоспарлап отыр. Рейстер A-320/321 типті әуе кемелерінде аптасына 3 рет орындалады.

️Қазақстан мен Үндістан астаналары арасында тікелей рейстің ашылуы елдер арасындағы ынтымақтастықты одан әрі дамытуға және елдің транзиттік әлеуетін дамытуға ықпал етеді". - делінген хабарламада.

Сонымен қатар бұған дейін хабарланғандай, Air astana әуе компаниясы осы жылдың 20 сәуірінен бастап "Airbus" үлгісіндегі әуе кемесінде аптасына 3 рет Алматы – Мумбай бағыты бойынша Үндістанға рейстер ашады.

Жалпы көктемгі-жазғы навигация кезеңінде елдер арасындағы жолаушылар рейстерінің 5 әуе бағыты бойынша аптасына 24 рейске дейін ұлғаюы күтіліп отыр.

Қазіргі уақытта тұрақты әуе қатынасы Алматы – Дели ("Эйр Астана" - аптасына 7 рейс, "IndiGo" - аптасына 7 рейс), Алматы – Гоа (SCAT – 2), Астана – Гоа (FlyArystan – 2) бағыттары бойынша орындалады.