Тоқаев Ердоғанды туған күнімен құттықтады
Опубликовано:
Мемлекет басшысы Түркия президенті Режеп Тайип Ердоғанмен телефон арқылы сөйлесті, деп хабарлайды KAZ.NUR.KZ Ақордаға сілтеме жасап.
Қасым-Жомарт Тоқаев Режеп Тайип Ердоғанды туған күнімен құттықтап, бауырлас түрік халқының игілігі жолындағы жауапты мемлекеттік қызметінде толағай табысқа жете беруіне тілектестік білдірген.
Әңгімелесу барысында мемлекеттер басшылары қазақ-түрік кеңейтілген стратегиялық серіктестігінің қарқыны жоғары екенін атап өтіп, екіжақты қарым-қатынасты одан әрі нығайту перспективасын талқылаған.
Бүгін түрік басшысы 71 жасқа толды.
Айта кетейік, соңғы рет Қасым-Жомарт Тоқаев пен Режеп Тайип Ердоған Бакуде төрінде Дүниежүзілік климат саммиті кезінде кездескен еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2223936-toqaev-erdoganmen-telefon-arqyly-soilesti/