Тоқаевпен кездескен Зеленский Қазақстанға алғыс айтты (видео)

Украина президенті Владимир Зеленский Х желісіндегі парақшасында Қазақстан президенті Қасым-Жомарт Тоқаевпен кездесуі туралы жазып, Қазақстанға алғыс білдірді, деп хабарлайды KAZ.NUR.KZ.

"Мен Қазақстан президенті Қасым-Жомарт Тоқаевпен кездестім. Ендігі басты міндет – сенімді қауіпсіздік кепілдігі бар әділ және тұрақты бейбітшілікке қол жеткізу", - деді ол.

Мемлекет басшылары Украинаның, АҚШ-тың, Еуропаның және дүние жүзіндегі басқа серіктестердің қақтығысты тоқтатуға ат салысуы мәселесін талқылады.

Тараптар сонымен қатар сауда-экономикалық ынтымақтастық мәселелерін, сондай-ақ қазақстандық компаниялардың Украинаны қалпына келтіруге қатысуға қызығушылық білдіруі мәселелерін талқылады.

"Мен Қазақстанға Украинаның егемендігі мен аумақтық тұтастығын қолдағаны үшін алғыс айтамын", - деп жазды Зеленский.

I met with President of Kazakhstan @TokayevKZ. The key task now is achieving a just and lasting peace with reliable security guarantees.

We discussed in detail the efforts of Ukraine, the United States, Europe, and other partners around the world to bring this war to an end and… pic.twitter.com/wvi0bF82PU

— Volodymyr Zelenskyy / Володимир Зеленський (@ZelenskyyUa) September 22, 2025

Мәтіннен қате тапсаңыз, бізге жазыңыз