Тоқаев Путиннің шақыруымен Мәскеуге барды (фото)
Жарияланған күні:
Қасым-Жомарт Тоқаев Ресей президенті Владимир Путиннің шақыруымен Мәскеуге мемлекеттік сапармен барды, деп хабарлайды Ақордаға сілтеме жасаған KAZ.NUR.KZ.
Ақорда мәліметіне сәйкес, Внуково-2 әуежайында мәртебелі мейманның келуіне орай Мәскеу гарнизонының құрмет қарауылы мен әскери үрмелі оркестрі сап түзеді.
"Мемлекет басшысын Ресей Федерациясы үкіметі төрағасының бірінші орынбасары Денис Мантуров пен басқа да ресми тұлғалар қарсы алды. Екі елдің мемлекеттік әнұрандары шырқалды", - делінген Ақорданың ресми хабарламасында.
Еске салсақ, бұған дейін Мәскеуге бара жатқан Тоқаевтың бортын шекарадан Ресейдің Су-35 ұшақтары қарсы алғанын жазған едік.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2307636-toqaev-putinning-shaqyruymen-maskeuge-bardy/
