Референдум-2026: Украина мен Эфиопияда дауыс беру учаскелері ашылмайтын болды

Орталық референдум комиссиясында өткен отырыста Сыртқы істер министрлігінің өкілдері шетелде дауыс беру учаскелерінің саны алдыңғы референдуммен салыстырғанда неліктен аз болатынын түсіндірді, деп хабарлайды KAZ.NUR.KZ тілшісі.

Ерлан Әлімбаевтың айтуынша, бұған дейін шетелде 82 учаске ашу жоспарланған.

"Алайда, өздеріңіз байқағандай, 62 елде 80 сайлау учаскесі ашылады. Бұл халықаралық геосаяси жағдайға байланысты. Атап айтқанда, Украинада отандастарымыздың саны азайғандықтан, Украина мен Эфиопияда екі сайлау учаскесін ашпау туралы шешім қабылданды. Бұрын онда шамамен 500 азаматымыз болған, қазір олар елден кетті, олардың көпшілігі Қазақстанда.

Эфиопиядағы жағдай да осыған ұқсас – ол елде біздің бес азаматымыз ғана тіркелген. Олар елшілік қызметкерлері. Олардың екеуі сол жерде болады, олар Каирге барып дауыс береді деген шешім қабылданды", - деді Қазақстан Сыртқы істер министрлігінің өкілі.

Мәтіннен қате тапсаңыз, бізге жазыңыз