Тоқаев ҰҚШҰ бас хатшысымен кездесті

Ел президенті Қасым-Жомарт Тоқаев Ұжымдық қауіпсіздік шарты ұйымы бас хатшысы Таалатбек Масадыковты қабылдады, деп хабарлайды Ақорда.

Ақорданың баспасөз қызметінің хабарлауынша, ️Таалатбек Масадыков Қасым-Жомарт Тоқаевқа ҰҚШҰ бас хатшысы лауазымындағы жоспарын таныстырды. Кездесуде ұйым қызметінің негізгі бағыттары бойынша, соның ішінде тұрақты жұмыс органдарының міндеттеріне қатысты көптеген мәселе талқыланды.

"Мемлекет басшысы ұйымды одан әрі дамытуға арналған бірқатар ұсынысымен бөлісіп, Қазақстан тарапы ҰҚШҰ аясындағы ынтымақтастықты нығайтуға дайын екенін айтты", - делінген Ақорда таратқан ақпаратта.

Мәтіннен қате тапсаңыз, бізге жазыңыз