Тәжікстан президенті Эмомали Рахмон Астанаға келді (фото)

Тәжікстан президенті Өңірлік экологиялық саммитке қатысу үшін Астана қаласына келді, деп хабарлайды үкіметтің баспасөз қызметіне сілтеме жасаған KAZ.NUR.KZ.

Үкіметтің баспасөз қызметінің мәліметінше, Тәжікстан президенті Эмомали Рахмон 22-24 сәуірде өтетін Өңірлік экологиялық саммит - 2026 іс-шарасына қатысу үшін Астанаға келген.

Айта кетейік, бұған дейін президенттің баспасөз қызметі осы аптада Қасым-Жомарт Тоқаевтың қатысуымен өтетін іс-шаралар кестесін жариялаған еді.

Оған сай 22-24 сәуірде Астанада Өңірлік экологиялық саммит өтеді.

БҰҰ аясында құрылған жаңа диалог алаңының мақсаты – Орталық Азияның орнықты дамуына ортақ көзқарас қалыптастыру, климаттық және экологиялық сын-қатерлерді еңсерудің бірлескен шешімін іздеу.

Жиынға бірқатар мемлекет және үкімет басшылары, сондай-ақ халықаралық ұйымдардың жетекшілері қатысады.

Мәтіннен қате тапсаңыз,бізге жазыңыз