Тоқаев Норвегияның жаңа короліне көңіл айтты

Президент Қасым-Жомарт Тоқаев Норвегия Королі VIII Хоконға әкесі Король V Харальдтің дүниеден өтуіне орай көңіл айту жеделхатын жолдады. Бұл туралы Ақордаға сілтеме жасаған KAZ.NUR.KZ хабарлайды.

"Король V Харальд Норвегияның бірлігі мен рухын, жарқын жетістіктерін паш еткен көрнекті мемлекет қайраткері болды.

Ұлы Мәртебелі ұзақ жылдар бойы абыройлы билік құрып, дана әрі адал басшы ретінде еліне қалтқысыз қызмет етті. Халқына ұдайы қамқор болып, қалың бұқараның құрметі мен ықыласына бөленді", - делінген жеделхатта.

Естеріңізге сала кетейік, бүгін Норвегия королі V Харальд 89 жасында дүниеден озды. Оның ауруханада қайтыс болғаны хабарланды.

Монархтың қазасы туралы ақпараттан соң оның ұлы, тақ мұрагері Хокон Норвегияның жаңа королі болды.

Мәтіннен қате тапсаңыз,бізге жазыңыз