Жапаровтан шақырту алған Тоқаев Қырғызстанға барды: ол ШЫҰ саммитіне қатысады

Қазақстан президенті Қасым-Жомарт Тоқаев бүгін Шанхай ынтымақтастық ұйымының (ШЫҰ) саммитіне қатысу үшін Қырғызстанға барды. Бұл туралы KAZ.NUR.KZ Ақордаға сілтеме жасап хабарлайды.

Ақорда мәліметінше, Қасым-Жомарт Тоқаевты Қырғызстан президенті Садыр Жапаров шақырған. Президент Шанхай ынтымақтастық ұйымына мүше мемлекеттер басшылары кеңесінің 26-отырысына және "ШЫҰ+" форматындағы кездесуге қатысу үшін Бішкек қаласына жұмыс сапарымен барды.

Сонымен қатар Мемлекет басшысы VI Дүниежүзілік көшпенділер ойындарының ресми ашылу салтанатына қатысады.

Қазақстан президентін "Манас" әуежайынан Қырғызстан министрлер кабинетінің төрағасы – президент әкімшілігінің басшысы Адылбек Қасымалиев қарсы алды.

Мәтіннен қате тапсаңыз,бізге жазыңыз