Тікұшақтар тулармен ұшып өтті: Тоқаев Ақордада бельгиялықтар королі мен патшайымын қарсы алды (фото)

Ақордада Қазақстанға мемлекеттік сапармен келген бельгиялықтар королі Филипп пен патшайым Матильданы ресми қарсы алу рәсімі өтті, деп хабарлайды Ақордаға сілтеме жасаған KAZ.NUR.KZ.

Президенттің баспасөз қызметінің мәліметінше, мәртебелі меймандардың құрметіне Әскери әуе күштерінің тікұшақтары Қазақстан мен Бельгияның мемлекеттік туларын желбіретіп, Ақорда алдынан ұшып өткен.

Салтанатты рәсім барысында мемлекет басшысы Қасым-Жомарт Тоқаев пен король Филипп бір-біріне ресми делегация мүшелерін таныстырған.

Құрмет қарауылы ротасының бастығы рапорт берген соң Президенттік оркестр екі елдің әнұрандарын орындаған.

Айта кетейік, 11 қазанда Қазақстанға мемлекеттік сапармен бельгиялықтар королі Филипп пен Матильда патшайым келді. Оларды елорда әуежайында Қасым-Жомарт Тоқаев қарсы алды.

Мәтіннен қате тапсаңыз, бізге жазыңыз