Тоқаев шет мемлекеттер басшыларына Ұлттық мерекемізге орай жолдаған құттықтаулары үшін алғыс айтты

Президент Қасым-Жомарт Тоқаев шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді, деп хабарлайды Ақорда.

"Республика күніне орай жолдаған риясыз құттықтаулары мен жылы лебіздері үшін барлық мемлекеттер және үкіметтер басшыларына, сондай-ақ ірі халықаралық ұйымдардың жетекшілеріне алғыс айтамын.

Егемен елімізге арнаған ізгі тілектеріңізді халқымыз ризашылықпен қабылдады", - деп жазды мемлекет басшысы Қасым-Жомарт Тоқаев X әлеуметтік желісіндегі парақшасында.

Айта кетейік, 25 қазанда президент Қасым-Жомарт Тоқаевтың атына шет мемлекеттер басшылары мен халықаралық ұйымдар жетекшілерінен ұлттық мереке – Республика күніне байланысты құттықтаулар келіп түскен еді.

Мәтіннен қате тапсаңыз, бізге жазыңыз