Қартайғанда адам танымастай өзгерген голливуд жұлдыздары кімдер

Голливудтық жұлдыздар зейнетке шықса да, өз-өзіне қарап, спортпен шұғылданып, талғаммен кинеді. Алайда мұндай қасиет барлық әртіске бұйырмаған. Тіпті, бір кездері әлемнің ең үздіктері болған мега-жұлдыздарды бұл күндері тани қою қиындау. KAZ.NUR.KZ порталы BigPicture.ru-ға сілтеме жасап уақыт өте келе қатты өзгеріске ұшыраған тұлғаларды ұсынады.

Клинт Иствуд

Клинт Иствуд - танымал америкалық актер, режиссер және композитор. Ол бірнеше рет "Оскар" жүлдесінің, "Ирвинг Тальберг атындағы марапаттың" иегері. Клинт вестерн және атыс-шабыс жанрындағы фильмдері арқылы әйгілі болған. Қазір Клинт Иствуд 89 жаста, әлі де киноға түседі, сонымен бірге продюсерлікпен айналысады.

Дженис Дикинсон

Дженис Дикинсон - америкалық модель әрі фотограф. Ол әлемдегі "бірінші супермодель" болған. Дженис Нarper’s Bazaar, Glamour, Cosmopolitan сынды журналдарда жарқыраған. Қазір ол 64 жаста.

Вэл Килмер

Вэл Килмер - танымал америкалық актер. "Бэтмен навсегда", "Лучший стрелок", "Дорз" және "Святой" сынды фильмдердің арқасында жұлдызы жанған. 31 желтоқсанда ол 60 жылдық мерейтойын атап өтеді.

Кит Ричардс

Кит Ричардс - аңызға айналған британиялық гитарашы, The Rolling Stones тобы айтқан әндердің авторы. "Барлық кезеңнің 100 ұлы гитарашысы" тізімінде Ричардс төртінші орында тұр. Қазір ол 75 жаста.

Эдвард Фарлонг

Эдвард Фарлонг - ең алдымен "Терминатор" фильміндегі Джон Конордың рөлімен танымал болған. Сонымен бірге ол көптеген телехикаяларға түскен.

Оззи Осборн

Оззи Осборн — танымал әнші, Black Sabbath тобының негізін қалаушы. Қазір рокер 70 жаста болса да, мансабын тастамақ емес.

Кирсти Элли

Бұл тізімде ең қатты өзгерген актриса Кирсти Элли болды. Өнер иесі бірнеше телетуындыларға түсіп, танымал болған. Қазір актриса 68 жаста.

Айта кетсек, бұған дейін достары арықтығы үшін келемеждеген жігіттің адам танымастай өзгеріп кеткенін жаздық.

Сондай-ақ, әлемді бағындырған Италияның ең сұлу қыздары жайлы хабарлаған болатынбыз. Олардың қатарында сұлулық эталоны болған Моника Беллучи де бар.