RU

Әбдікәрімова: Көкірегі жер бетіне сыймаған жандар қабірге түскенде қайтер екен

Жұлдыз Әбдікәрімова
Фото: Instagram/zhuldyzabdukarimovaofficial

Жұлдыз Әбдікәрімова желіде көкірегін көкке көтеріп жүретін адамдар туралы жазбасын жариялап, елді ойландырып қойды. Оқырмандар Қайрат Нұрастың әйелі азулы сөздерін кімге арнағанын біле алмай әлек болған деп жазады KAZ.NUR.KZ.

Отандық эстрада жұлдызының жары өзін өзгенің алдында биік ұстайтын жандар жайында сөз қозғап, оларға қатысты бар ойын айтып тастады. Жұлдыз Әбдікәрімова көкірегі жер бетіне сыймағандарға Instagram парақшасында азулы жазба арнаған.

"Пенде мұрнын көкке көтерген сайын, жүректен алыстайды екен. Мұрынмен бірге көкке жүрек емес кеуде көтеріледі. Оның аты - көкірек. Қазақ мұны “Кеудесіне нан піскен” дейді. Меніңше, Алла берген мінездің бәрі көркем. Тек адам оны қолданатын ретін шатастырып алып жатады. Мысалы, өзін-өзі жақсы көру - дұрыс, ал өзін ғана ойлау - эгоизм.

Мейірімділік жақсы, ал көзсіз мейірімді болу - өзін құрбан ету. Көкірек те сол сияқты, өзге жаншып тастамас үшін, өзімізді қорғау үшін берілгендей. Мұны да қазақ бір-ақ ауыз сөзбен түйіндеген: “Еңкейгенге еңкей, атаңның қара құлы емес. Шалқайғанға шалқай, Пайғамбардың ұлы емес”.

Көкіректері жер бетіне сыймаған жандарды көргенде, жердің астына барғанда, қуықтай ғана қабірге түскенде қайтер екен деп ойлаймын... Адамзаттың бәрі көкірегін көрсете алады. Әйтсе де, көрсете аламын деп, кербеңдей берсек, адамдығымыздан не қалмақ... Үндемей қалғанның бәрі жуас, айқайлағанның бәрі азулы емес. Кейде ақылды болудың өзі - үндемей қалу сияқты" , - деп жазды ол.

Желі қолданушылары бірден Қайрат Нұртастың жары жариялаған жазбаны қызу талқылап, оны кімге жолдағанын білуге тырысты. Олар азулы сөздердің қай жанға арнап жазылғанына қатысты өз болжамдарын айтқан.

Алайда, Жұлдыз Әбдікәрімова олардың бірін де растаған жоқ.

Мақаланың түпнұсқасы: https://kaz.nur.kz/showbiz/1881916-bdikrimova-kkiregi-zer-betine-syjmagan-zandar-kabirge-tskende-kajter-eken/