RU

Айгүл Иманбаева жас кезінде түрі қандай болғанын көрсетті (фото)

Айгүл Иманбаева
Фото: Instagram/aigul_imanbayeva

Отандық танымал әнші әрі актриса Айгүл Иманбаева жас кезіндегі фотосын жариялап, қалың көпшілікті таңғалдырды. Желідегілер шоу-бизнес жұлдызының мұрағаттағы суретіне тәнті болып, оған қатысты сан түрлі пікір қалдырған. Олардың басым көпшілігі өнер иесінің табиғи сұлулығын ерекше мақтаған деп жазады KAZ.NUR.KZ.

Айгүл Иманбаева өзінің жастық шағындағы фотосымен бөлісіп, желідегі оқырмандарын бір қуантып алды. Эстрада жұлдызының шығармашылығын жақсы көретін көпшілік оның бұрынғы кейпін қызу талқылап, оның сұлулығына тәнті болған.

Желі қолданушылардың көбісі өнер иесінің мүлдем өзгермегенін алға тартып, әлі де жап-жас көрінетінін жеткізді.

Instagram кеңістігінде қызу талқыланған суретте Иманбаеваның қазақи үлгідегі киіммен тұрғанын көруге болады. Алайда, әнші аталмыш фотоның қанша жасында жасалғанын өзі де білмейтін болып шықты.

"Сұлу болғансыз және сол қалпысыз әлі де. Мүлдем қартаймағансыз. Құпияңыз неде?" , "Әттең, жастық шақ. Әттең, келмес уақыт" , "Сондай тәп-тәттісіз" , "16-17 жас шығар. Бірақ, бүгін сіз әлі де жап-жас көрінесіз" , "Қарапайымдылығыңызға тәнтімін" , "Табиғи сұлулық деп осыны айты" , "Димаштың анасына ұқсайды. Светлана Айтбаеваның жас кезіндегі фотосы екен деп қалдым" , "Образыңыз ерекше әдемі" , - деп жазды желідегілер.

Айта кетейік, бұған дейін желіде Мадина Сәдуақасова мен Гүлнұр Оразымбетованың жас кезіндегі фотосы тарап кеткенін жазған едік. Қос жұлдыздың мұрағаттағы суреті желіде бірден қызу талқыланды. Пікір білдірушілердің ойы екі түрлі болып шықты.

Мақаланың түпнұсқасы: https://kaz.nur.kz/showbiz/1884259-ajgl-imanbaeva-zas-kezinde-tri-kandaj-bolganyn-krsetti-foto/