RU

"Әдемі жігіт еді": Меруерт Түсіпбаева жолдасы туралы жан сырын ақтарды

Меруерт Түсіпбаева
Фото: Instagram/meruert_tusupbaeva

Қазақстандық шоу-бизнестің жарық жұлдызы Меруерт Түсіпбаева бұрынғы жолдасы туралы бар шындықты айтты. Жеке өмірі жайлы көп айтпайтын өнер иесі бұл жолы барыншы ашылып, жан сырын ақтарған деп жазады KAZ.NUR.KZ.

Меруерт Түсіпбаева баянсыз махаббатын есіне алып, бұрынғы жолдасымен қарым-қатынасы не себепті тоқтатағанын айтып берді.

Белгілі болғандай, эстрада жұлдызының экс-жұбайы оның алғашқы бейнебаянында бой көрсеткен екен. Әншінің айтуынша, клипте болған сценарий өмірде де орын алған. Сол туындыдан кейін жас жұбайлардың жолы екіге айырылған.

Түсіпбаева "Жарқын жүздесу" бағдарламасына ерекше сұхбат беріп, жеке өміріне қатысты бұған дейін еш жерде айтпаған тың мәліметтермен бөлісті.

"Бейнеклипіме жолдасым түскен болатын. Шымкенттің жігіті. Керемет жақсы жігіт болатын. Енді тағдырымыз сондай болды. Екіге айырылдық. Сол клипте не болды, өмірде де солай болды. Шын айтсам, өнер адамының жұбайы болу өте қиын. Бәлкім мен қарапайым ұстаз немесе заңгер болсам ол бақытты адам болар ма еді?! Бірақ өнер адамының жұбайы болу өте қиын нәрсе.
Сол кезде сұраныс өте көп болды. "Мынау кім?" деген таңғалу өте көп болды. Мен жұбайыммен жатақханада тұратынмын.Мен бір күнде жұлдыз болып шыға келдім. Мені ұнатқан жігіттер көп болды. Сұрақтар туындай бастады. Қызғаныш болды. Ол да әдемі жігіт еді. Ұнатқан қыздар көп болды. Осылайша сезімге селкеу түсті" , - деп ағынан жарылды Меруерт Түсіпбаева.

Мақаланың түпнұсқасы: https://kaz.nur.kz/showbiz/1893464-demi-zigit-edi-meruert-tsipbaeva-zoldasy-turaly-zan-syryn-aktardy/