RU

"Такси жүргізушісі зорламақ болды": Фариза Ескермес басынан өткен ауыр жағдайды баяндап берді

Фариза Ескермес
Фото: Instagram/farizayesskermes

Отандық танымал актриса әрі әнші Фариза Ескермес басынан өткен аса ауыр оқиға жайлы жан сырын ақтарды. Өнер иесін 18 жасында такси жүргізушісі зорламақ болған. Алайда, бойжеткен оған пасық пиғылын асыруға мүмкіндік бермей, құтылып кеткен деп жазады KAZ.NUR.KZ.

Фариза Ескермес өміріндегі аса қорқынышты күндерінің бірі туралы "Парацци" бағдарламасында айтып берді.

"Жүргізуші мені алып кетті. Ол кезде үйге бара жатқанмын. Жол ортасынан бір қуысқа қарай тоқтайды. Дала қараңғы болып кеткен. Бір қарап қалсам, жүргізуші шешініп тастаған. Мені ұстап алып, қауіпсіздік белбеуімен тартып қойды. Қатты шошып кеттім. Ешқашан ер адамды жалаңаш күйде көрмегенмін. Ол ескі көлік еді. Терезесі тұтқаны айналдырғанда ашылатын. Сол бірден терезені ашып, қатты айқайладым. Көмекке шақырдым.
Мені ешкім естімейтін шығар деп ойладым. Бірақ, адамдар мені естіді. Маған қарай алыстан жүгіріп келе жатты. Жүргізуші шошып кетті де, мені теуіп көліктен лақытып жіберді. Мен құлап түскен соң, жерден тұра алмай жаттым. Сол кезде ол қашып үлгерді. Адамдар жүгіріп келгенде де ешқайсымыз нөмірін көріп үлгермедік. Бірақ, ол адамның түрі әлі есімде. Жас жігіт, қазақтың жігіті. Сол кезде терезені ашып, айқайлағаным үшін өз-өзіме әлі күнге дейін рахмет айтамын", - деді әнші.

Өнер иесі бұл жағдайдың орын алғанын ешкімге айтпай, арнайы мамандардың да көмегіне жүгінбегенін айтты. Актрисаның сөзінше, бұл оқиғаны жіберу үшін оған уақыт керек болған. Ол екі-үш ай бойы үйден шықпай, күйзеліске түскенін жеткізді.

Мақаланың түпнұсқасы: https://kaz.nur.kz/showbiz/1912862-taksi-zurgizusisi-zorlamaq-boldy-fariza-eskermes-basynan-otken-auyr-zagdaidy-bayandap-berdi/