RU

"Әркім өз өмірін сүрсін": Аша Матайдың жеңгесі жазбасымен елді ойландырып қойды

Жарқынай Ханайым
Фото: Instagram/jarkynaixanaiym

Отандық танымал әнші әрі актриса Жарқынай Ханайым желіде жаңа жазба жариялап, елді тағы да ойландырып қойды. Бұған дейін жолдасымен бірге емес екенін жазған өнер иесі бұл жолы ешкімге реніші жоқтығын жеткізді деп жазады KAZ.NUR.KZ.

Аша Матайдың жеңгесі әсерлі жазбасымен Instagram парақшасында бөліскен. Онда ол ешкімді өзі сияқты болуға және ойлауға шақырмайтынын алға тартты. Сол себепті, актриса бұдан былай ешкімге ренжімейтінін жеткізді.

Өнер иесі дүниеге қайтадан келсе де, өмірін еш өзгертпестен сол қалпында сүретінін айтты.

"Қайта туылу керек болсам дәл осы өмірімді сүрер едім. Өз бойымдағы құндылықтарыма қиянат жасамаймын. Осындайыммен Жарқынаймын. Ешкімді мен сияқты ойлауға шақырмаймын. Сонысыменде адамдар бір бір бірінен ерекшеленеді. Мен сияқты ойламайтындары үшін ешкімге ренжімеймін енді. Мағанда ешкім ренжімесін. Әркім өз өмірін сүрсін. Пайдамыз тимесе тым болмағанда зиян тимесін", - деп жазды ол.

Айта кетейік, бұған дейін Жарқынай Ханайымның әсерлі жазбасы желіні шулатқан болатын. Әнші ару енді жолдасымен бірге емес екендігін жазып, оған қызы үшін рахмет айтқан. Ол осымен өмірінің бір парағы жабылғанын жеткізді.

Алайда, кейіннен өнер иесі бұл жазбасын өшіріп тастады. Желі қолданушылары ерлі-зайыптылар үшін асқан алаңдаушылық білдірді. Олар жас ата-ананың ажырасып кеткенін болжады.

Мақаланың түпнұсқасы: https://kaz.nur.kz/showbiz/1934231-arkim-oz-omirin-sursin-asa-mataidyn-zengesi-zazbasymen-eldi-oilandyryp-qoidy/