Дариға Бадықова: Түрік ағайындарға сериал түсіру жағынан жете алмай келеміз

Отандық телехикаялардың жұлдызы Дариға Бадықова сериал түсірудегі түріктердің шеберлігі туралы сөз қозғады. Бұл туралы актриса өзінің Instagram парақшасында жазған, деп хабарлайды KAZ.NUR.KZ тілшісі.

"Келінжанның" 4-маусымы жалғасын табуда. Түрік ағайындарға сериал түсіру жағынан жете алмай келеміз. "Келінжанның" төрт маусымын қосқанның өзінде 95 серия шығады екен. Алда озып келе жатқан жұрттың баласына қарап бой түзейсің ғой, ал түріктердің оқиғалары таусылар емес... Бір оқиғаны қорыта алмай жатып, екінші оқиғасы сопаң етіп шыға қалады.

Кульминация, интрига дегенді керемет жасайды. Өзім "Қара севданы" күтіп көрдім.⠀ Әр болып жатқан оқиғаны уайымдадым. Түсіріп үлгере алмай жатқан кездері де болды.⠀ "Бір аптадан кейін шығады, монтаж жасалып жатыр", - дегенде уақытты өткізе алмайтынмын. Халықтың сұрауы сұмдық болды", - дейді Дариға Бадықова.

Айта кетелік, бұған дейін актриса сапасыз туындылардың көбейгенін айтып, өнердегі әріптестерін сынға алған болатын.