"Менен құтыла алмай жүр ме?": Жігер Ауыпбаев желіде өзі туралы тараған "суық хабарға" пікір білдірді

Белгісіз біреулер желіде әнші Жігер Ауыпбаевтың "қайтыс болғаны" жайлы жалған ақпарат таратып жіберген. Өнер иесі Instagram желісінде мұны жоққа шығарды, деп жазады KAZ.NUR.KZ.

Ауыпбаев өзі жайлы жарияланған видеоларды желіде көрсеткен.

"Осылай қарап отырсам, әндерден кейін "Шұғыл хабар" дейді. Мен қайтыс болып кетіппін ғой. Мынау не хабар енді? Менен құтыла алмай жүр ме? Үш күн бұрын салыпты. "Ешкім аман қалмады" дейді. Алла сақтасын", - деп айтты әнші видеода.

Сондай-ақ ол "Біреуге өлім тілегенше, өзіңе өмір тіле" дейді емес пе?", - деп жазып қойды.

Айта кетейік, Youtube желісінде әншінің "қайтыс болғаны" жайлы бірнеше ақпарат тарап кеткен.

Мәтіннен қате тапсаңыз, бізге жазыңыз