Атырауда мектеп мұғалімінен А гепатиті анықталды

Атырауда мектеп мұғалімінің бірінен гепатит А анықталды. Бастауыш сынып мұғалімі жұқпалы аурулар ауруханасына жатқызылған, деп жазады "Ақжайық" басылымына сілтеме жасаған KAZ.NUR.KZ.

Басылым мәліметінше, бастауыш сынып мұғалімі өзін нашар сезініп, жұқпалы аурулар ауруханасына жатқызылған.

Қалалық білім бөлімінің айтуынша, мұғалімнің 12 және 13 қаңтарда денсаулығына байланысты сабаққа қатыспаған.

Санитария-эпидемиологиялық бақылау басқармасының мәліметінше, осы жағдайдан кейін оқушылардың денсаулық жағдайына күнделікті мониторинг жүргізіледі. Егер оқушы сабақта үш күннен артық қалса, олар учаскелік дәрігердің анықтамасы болған жағдайда ғана сабаққа жіберіледі.

"Ақжайық" басылымының мәліметінше, санитария-эпидемиологиялық бақылау басқармасы мұғаліммен байланысқан тұлғаларға медициналық бақылау орнатылып, барлық оқушының жеке медициналық карталары және оқытушылардың медициналық карталары тексерілетінін хабарлаған.

"Кабинеттердің күнделікті тазалығы мен жалпы тазалығы міндетті түрде дезинфекциялық құралдарды қолданумен ерекше бақылауға алынды. Белсенді су ішу режимі сақталып, санитарлық-ағарту жұмыстары аясында дәрістер мен әңгімелер өткізіліп жатыр. Қазір басқа науқас адам жоқ.

Қазақстан Республикасы Денсаулық сақтау министрінің 26 мамырдағы бұйрығымен бекітілген "Вирусты гепатит пен АИТВ-инфекциясы бойынша санитарлық-эпидемияға қарсы, санитарлық-профилактикалық іс-шараларды ұйымдастыру және жүргізуге қойылатын санитариялық-эпидемиологиялық талаптарға" сәйкес 2021 №DSM-44, гепатит инфекциясы анықталған кезде мектепті жабу талап етілмейді. Ауырған мұғалім қазір стационарлық емделуде", - делінген басқарма хабарламасында.

Айта кетейік, А гепатиті немесе "сары ауру" - тамақ пен су арқылы жұғатын вирустан туындаған бауырдың жедел жұқпалы ауруы.