Роза Рымбаева немерелі болды
Жарияланған күні:
Халық әртісі Роза Рымбаева немерелі болды. Өнер иесін әріптесі Мақпал Жүнісова желіде құттықтап, халыққа сүйінші жаңалықты мәлім етті, деп жазады KAZ.NUR.KZ.
"Роза Қуанышқызы, қуанышыңыз құтты болсын! Әже болуыңызбен, бауы берік болсын! Үлкен азамат болсын", - деп жазды Мақпал Жүнісова Instagram парақшасында.
Айта кетейік, бұл жаңалықты Роза Рымбаева да, ұлы Әли мен келіні Ақерке де әлеуметтік желіде бөліспеген.
Бірақ әлеуметтік желіде Роза Қуанышқызы мен Әли Оқаповтың оқырмандары парақшаға пікір қалдырып, жаңа туған нәрестеге "Бауы берік болсын" деп жарыса жазуда.
Естеріңізге сала кетейік, Роза Рымбаеваның тұңғышы Әли Оқапов пен келіні Ақерке Бүркітбай 2020 жылы шаңырақ көтерді.
Мақаланың түпнұсқасы: https://kaz.nur.kz/showbiz/2009964-roza-rymbaeva-nemereli-boldy/
