"Айына 10 млн теңге": Нұрболат Қанай гонорары жайлы ашып айтты

Отандық танымал әнші Нұрболат Қанай айлық табысы жайлы айтты. Taboo бағдарламасына келген әнші айына 10 млн теңгеден аса табыс табатынын мәлімдеді, деп жазады KAZ.NUR.KZ.

"Айына есептемеппін. Қаламақым - 1,5 млн теңге. Тойға да, концертке де шыға беремін. Той бар, шүкір. Осы наурыз айы бос емеспін мысалы. Кететін нәрселер бар", - деді Нұрболат Қанай.

Бағдарлама жүргізушісі Анар Батырхан әншіден "Айына 10 млн теңгеден аса ма?", - деп сұрады.

Ол: "Шүкір, иә", - деп жүргізушінің сөзін растады.

Естеріңізге сала кетейік, осыған дейін Нұрболат Қанай 35 жасында өнерден кеткісі келетінін мәлім еткен болатын.