"Балжан Бидаш сахнаға қашан шығады": әншінің күйеуі көпшілік көкейіндегі сауалға жауап берді

Отандық әнші Балжан Бидаштың жұбайы Жахан Отарғалиев "Ұйқым келмейді" бағдарламасына келіп, әйелінің сахнаға қашан қайта оралатынын айтты, деп жазады KAZ.NUR.KZ.

"Балжан ханым қашан сахнаға шығады? Күтіп жүрмін", - деді Балжан Бидаштың тыңдарманы.

Ал әншінің жұбайы Жахан Отарғалиев Балжан Бидаштың сахнаға шықпай жүру себебін айтты.

"Шыққысы келсе, шығады ғой. Өзі шыққысы келмей жүр. Қазір шаруа көп. Үйдің шаруасы бар. Ары-бері көшіп жүрміз. Осы бағдарламадан кейін Алматыға барып, пәтер іздеуім керек. Пәтерден шығып жатырмыз.

Шығады ғой, Алла қаласа. Жақында жаңа бір әні шықты. Тағы да әндер жазып жатыр. Бұйырса, шығады ғой", - деді Жахан Отарғалиев.

Естеріңізге сала кетейік, осыған дейін желіде Балжан Бидаш пен Жахан Отарғалиевтің үйлену тойынан видео тараған болатын.

Мәтіннен қате тапсаңыз, бізге жазыңыз