Актер Абай Асылхан мен Жанель Мақажанова ерекше стильде гендер-пати жасады (видео)

Отандық актер Абай Асылхан мен жұбайы Жанель Мақажанова гендер-пати жасап, жақында дүние есігін ашатын нәрестенің жынысын білді. Бұл жайлы актер Instagram парақшасында көпшілікке айтты, деп жазады KAZ.NUR.KZ.

Видеодан актер мен актрисаның гендер-патиі қазақша стильде өткенін байқауға болады.

Видеода екі қазақтың батыры сандық арқалап кіреді. Осыдан соң Абай Асылхан мен Жанель Мақажан сандықты ашып, оның ішінен тағы бір зат алып шығады.

Видео соңында тағы бір кішкентай сандық ішінен аузы буылған кішкентай қапшық шығады. Осы қапшық ішінде болашақ нәрестенің жынысы жасырылған.

Алайда актер мен актриса енді дүниеге келетін нәрестесінің жынысын көпшіліктен жасырын қалдырды.

Ал желі қолданушылары қапшықтың ішінде асық бар деп болжаған.

"Жынысын көрсетпесеңіз, не үшін жарияладыңыз?", "Қапшықта асық бар сияқты, ұл ғой", "Ұл болса да, қыз болса да, аман болсын", "Асық шықты. Абай Асылханның бірінші баласы ұл болады", - деп жазды желідегілер.

Айта кетейік, актриса Жанель Мақажан мен оның сүйіктісі Абай Асылханұлы 2021 жылы мешітте шариғат бойынша некесін қидырды.