Қазақстанда "Камызяки" концерттері өтпейтін болды

"Камызяки" КВН командасының Қазақстан бойынша гастрольдік сапары "қоғамның теріс пікіріне" байланысты тоқтатылды. Бұл туралы ұйымдастырушы Ольга Ли Instagram парақшасында хабарлады.

"Ұйымдастырушылар "Камызяки" әртістерінің көпшілік алдында жасаған іс-әрекеттеріне жұртшылықтың резонанстық кері байланысын ескере отырып, олардың Қазақстан бойынша жеке концерттерін толығымен тоқтату туралы шешім қабылдады", - делінген хабарламада.

Концерт ұйымдастырушысы билеттерді қайтару мәселесі бойынша қазақстандықтар билет сатып алған операторларға хабарласа алатынын айтты.

"Камызяки" командасы әртістерінің концерттері қазан айының басында Алматы мен Астанада өтуі керек еді.

Еске сала кетейік, бұған дейін Қазақстанда "Камызяки" командасының жетекшісі Азамат Мұсағалиевтің қатысуымен өтетін концерттерге билеттерді сату тоқтатылғаны белгілі болған еді.