"Ота жасаттым": актер Жахан Отарғалиев денсаулығының сыр бергенін айтты (фото)

Актер Жахан Отарғалиев Түркия еліне барып, ота жасатып қайтқан. Ол денсаулығы сыр бергені жайлы Instagram парақшасында айтты, деп жазады KAZ.NUR.KZ.

Актердің айтуынша, оның ішегінен полип шыққан.

"Ақтөбе қаласында өзімді жайсыз сезініп, гастрольді тоқтатып тастадық. Екі күн ауырып, болмағасын досым "Стамбұлға ұш" деді. Жалғыз өзім Стамбұлға кеттім.Толық тексеріліп жатып, ойда-жоқта эндоскопия, колоноскопиядан бір-ақ шықтым. Ішектен үлкен полип шығып, ота жасаттым.

Мен наркозда жатқанда, жанымда полипті алып, ота жасауға рұқсат сұрайтын адам да болмады. Досым жауапкершілік алып, ота жасауға рұқсат берді. Жоқ кезінде ғана жаныңда болған жақындарыңды бағалап бастайды екенсің.

Ең бастысы, өздеріңізді ойлаңыздар. Мен өзімді қолға алып, ақырындап әрекет жасап жатырмын. Соңғы он күн мен үшін қиын болды. Мені көп адам жаман деуі мүмкін. Әрине, өзімді ақтамаймын. Бірақ, бәріне жағу мүмкін емес. Шетелде қиын. Сол кезде бір жылулық, бір хат болсын күтесің. Осы жолы мені таңғалдырғаны, күткен емес, күтпеген адамдардың көңілі", - деп жазды Жахан Отарғалиев.

Естеріңізге сала кетейік, жақында Жахан Отарғалиев пен әнші Балжан Бидаш ажырасты.