"Әкеме тірек болғым келді": Жұлдызай Дүйсенбиева отбасындағы қуанышты бөлісті (фото)

Актриса Жұлдызай Дүйсенбиева әкесінің отбасында 46 жылдан кейін орын алған қуанышты бөлісті. Өнер иесі бұл жайлы көпшілікке Instagram парақшасында айтып берді, деп жазады KAZ.NUR.KZ.

"Жанұямызда 46 жылдан кейін алғашқы сүндет той өтіп жатыр. Ата-анамның қуанғанын көру бақыт, шүкір.

Әкеме ұл ретінде тірек болғым келді. Ер-азаматтың тірлігін қанша істесем де, жолын жасай алмайды екенмін", - деп жазды актриса.

Естеріңізге сала кетейік, Жұлдызай Дүйсенбиева осыған дейінгі сұхбатында өзінің отбасы жайлы жан сырын ақтарған болатын. Өнер иесінің анасы қызы үшін жалаңаяқ қар кешкен күндерін айтып берді.

Айта кетейік, актриса 2014 жылы тұрмысқа шығып, 2015 жылы қызды болды. Өнер иесі пандемия кезінде екінші сәбиіне аяғы ауыр болғанын алайда одан айырылып қалғанын баяндап берді.