Тележүргізуші Ирина Тен гендер-пати өткізді (видео)

Қазақстандық тележүргізуші Ирина Тен мен күйеуі болашақ сәбиінің жынысын білу үшін, гендер-пати өткізді. Ол видеоның Instagram парақшасында жариялады, деп хабарлайды KAZ.NUR.KZ.

Бірнеше күн бұрын тележүргізуші қуанышты видеосын көпшілікке бөлісті.

Ирина Тен күйеуінің футболкасына тағы бір сәбиі дүниеге келетіні жайлы жазып қойған. Алайда тележүргізушінің күйеуі ол жазуды байқамаған.

Айта кетейік, Ирина Тен мен күйеуінің бүгінде бір ұлы бар.

Видеодан шар ішінен алқызыл түсті қыз баланың киімі шыққанын байқауға болады.

Желі қолданушылары тележүргізушіні қуанышымен құттықтап, жылы лебіз білдірді.

"Құттықтаймыз", "Керемет", "Аман-есен босанып алыңыз", - деп жазды желідегілер.