"Ағамызға өкпе жоқ": тойда өнер көрсеткен Айқын ыңғайсыз жағдайға тап болды (видео)

Қазақ эстрадасының жұлдызы Айқын Төлепберген желіде тойда болған қызықты оқиғаның видеосын жариялады. Бейнежазба желі қолданушыларының көңілін көтерген, деп жазады KAZ.NUR.KZ.

Айқын аталмыш видеоны Instagram парақшасында бөліскен.

Бейнежазбада әншімен суретке түскен ер адамның оның қалтасына қолын салып жатқаны көрініс тапты. Өнер иесі той қонағының бұл әрекетін түсінбеген.

"Ақша салмады. Мүмкін жұғысты болсын деп, қалтама қолын салған шығар. Ағамызға өкпе жоқ. Көңілді көтеріп, суретке түсті", - деп жазды әртіс.

Желі қолданушылары той кезінде қызықты жағдайды қызу талқылап, оған қатысты ойларын ортаға салды.

"Өнерін бағалап ақша салған шығар", "Қолы жаурап қалған болар", "Костюмді тексеріп жатқандай", "Қолын қалтаға салғанға мәз ғой", "Қызық жағдай екен. Не үшін салды екен? Бәрімізге жұмбақ болды", "Осы видеоны көріп отырса, кейін өзі түсіндірер", - деп жазуда оқырмандар.