Almaty Arena өкілдері рэпер 50 Cent-тің концертіне келушілерге үндеу жасады

Almaty Arena өкілдері америкалық рэпер 50 Cent-тің бүгін өтетін концертіне байланысты оның тыңдармаңдарына үндеу жасады. Бұл туралы KAZ.NUR.KZ мұз кешенінің желідегі ресми парақшасына сілтеме жасап хабарлайды.

Almaty Arena өкілдері арена сағат 17:00-де ашылатынын еске салды.

"Мүмкін болса, билетті қағаз күйінде шығарып алуға кеңес береміз және жеке басты куәландыратын құжатыңыз қолыңызда болғаны абзал. Гардеробта тек сырт киімдерді қабылдайды", - делінген хабарламада.

Ұйымдастырушылар концертке келушілерге:

• Үлкен рюкзактар мен сөмкелерді әкелуге;
• Азық-түлік пен сусындарды әкелуге;
• Кәсіби фото/бейне жабдықтарды әкелуге тыйым салынғанын еске салды.

Дегенмен Almaty Arena өкілдері телефонмен суретке түсуге болатынын айта кетті.

Естеріңізге сала кетсек, бүгін, 28 қарашада Алматыда The Final Lap Tour 2023 әлемдік турне аясында америкалық рэпер 50 Cent-тің концерті өтеді.