"Ұл ма, әлде қыз ба": Төреғалидің кіші қарындасы болашақ сәбиінің жынысын жария етті (видео)

"Ұлы дала баласы" Төреғали Төреәлінің кіші қарындасы Дина Төреәлі болашақ сәбиінің жынысын көпке жария етті. Блогер ару желіде гендер-пати шарасы қалай өткенін көрсетті, деп жазады KAZ.NUR.KZ.

Бүгінде жүктлігінің соңғы айларына келіп қалған Дина Төреәлі қалың көпшілікке болашақ сәбиінің жынысын паш етуді жөн көрген. Төреғалидің қарындасы Instagram парақшасында гендер-пати шарасының видеосын жариялап, өз қуанышын жеткізді.

Аталмыш жиын жаз мезгілінде Алматының қымбат мейрамханаларының бірінде өткен. Оған ерлі-зайыптының ет-жақындары ғана қатысты. Гендер-патиға келгендердің басым көпшілігі Дина Төреәлінің ұлды болатынын айтқан.

Көптің айтқаны келіп, соңында ерлі-зайыпты болашақ сәбиінің ұл екенін білген. Блогер арудың күйеуі арнайы жасалған допты тепкенде оның ішінен көк түс шыққанын көруге болады.

Дина Төреәлі гендер-пати шарасын Dior брендінің стилінде өткізіп, қонақтарына бағалы сыйлықтар тарту еткен.

Айта кетейік, бұған дейін Дина Төреәлінің әпкесі Фариза Төреәлі де сәбиінің жынысын жария еткен болатын.