"Шаршап кеттім": Мирас Жүгінісов Алматыға қоныс аударды

Әнші Мирас Жүгінісов Астана қаласынан Алматыға қоныс аударды. Өнер иесі REVUE NEWS бағдарламасында елордадан көшуіне не түрткі болғанын айтты, деп жазады KAZ.NUR.KZ.

"Алматы - шығармашылықтың алаңы. Сондықтан мен үшін ыңғайлы. Астанада көп тұрдым. Ол жақта өзіңмен-өзің жүресің. Астанада жалғыз жүріп, шаршап кеттім. Ортаң әртүрлі болуы мүмкін, көбінесе кәсіпкерлермен араласасың", - деді Мирас Жүгінісов.

Сонымен қатар өнер иесі шығармашылыққа мықтап кіріскенін айтты.

"Жаңа әндер шығады. Жақында бейнебаян түсірдім. Дайын болып қалды. Бейнебаяннан бөлек концерт ұйымдастырамыз. Тұрар Ыдырыспен бірігіп, Қазақстан бойынша тур жасаймыз", - деді Мирас Жүгінісов.

Еске сала кетейік, бұған дейін көпшілікке ерекше әндерімен танымал әнші Мархаба Сәби өнердегі әріптесі Мирас Жүгінісовке өкпесін айтқан болатын.