"Толық мүсінімді қабылдауға рұқсат беріңіз": Ерке Есмахан сырт келбетін сынаған көпшілікке жауап берді (фото)

Әнші Ерке Есмахан босанғаннан кейін алғаш рет күйеуі Раиммен қала аралап, концерт өткізіп жүр. Өнер иесі босанғаннан кейін әлі бұрынғы мүсініне орала қоймағанын сынаған көпшілікке жауап қайтарды, деп жазады KAZ.NUR.KZ.

Ерке Instagram-дағы парақшасында қазіргі қалпын қабылдауға рұқсат сұрады.

"Қыздар, толық мүсінімді қабылдауға рұқсат беріңіздер. Өзіме ұнаймын. Күйеуіме ұнаймын. Басқа дым керек емес. Рианна екеуміз босанған кейін өмірге ризамыз", - деп жазды Ерке Есмахан.

Айта кетейік, Ерке Есмахан былтыр қарашада екінші ұлын дүниеге әкелген болатын.

Өнер иесі жақында отбасындағы тағы бір қуанышты жаңалығын бөлісті. Әнші күйеуі Раим екеуінің жер сілкінісінен соң Алматыдан вилла сатып алғанын айтты. Олар осыған дейін көпқабатты үйдің тоғызыншы қабатында тұрған.