Танымал "Шам" театрының басшысы жас жігіт екені рас па

Көпшілікке танымал "Шам" театрының басшысы жас жігіт екені рас па? Театр ұжымы "Қызық Times" бағдарламасына келіп, арасындағы ең жас актердің басшысы екенін айтты, деп жазады KAZ.NUR.KZ.

Бағдарламаға "Шам" театрының актерлері Еркебұлан Дайыров пен Асан Мажит, режиссері Фархат Молдағали және директоры Алмат Құрақ келген.

"Алмат негізі актер боп бастады. Театрға жас бала керек болып, шақырдық. Жеке театр болғаннан кейін ішкі жұмыстары өте көп. Сол жұмыстың бәріне араласады. Бұрынғыдай директорлар костюммен жүрмейді. Алмат театрда ойнайды, әлеуметтік желісін жүргізеді. Келісімшарт жасайды. Директор деген атауы ғана, қара жұмыста жүр", – деді Фархат Молдағали.

Айта кетейік, Алмат Құрақ 1997 жылы дүниеге келген, Шымкент қаласының тумасы.