Актер Асан Мажит алаяқтардан алданғанын айтты (видео)

Актер Асан Мажит интернет алаяқтарының құрбаны болды. Өнер иесі WhatsApp желісінде өзінің атынан жалған сілтеме жіберіліп жатқанын ескертті, деп хабарлайды KAZ.NUR.KZ.

"Ескерту! Абай болыңыздар", – деп жазды актер Instagram-дағы парақшасында.

Сонымен қатар Асан Мажит видео жолдап, ешқандай сілтемеге өтіп, дауыс бермеуге шақырды.

"Дәл қазір жан жақтан хабар келіп жатыр. Менің атымнан WhatsApp-тан группа ашылып, барлық достарымды тіркеп, дауыс беріңіздер деп жатыр екен. Абай болыңыздаршы, ол мен емес. Сондықтан барша досымнан сұрайтынып, группадан шығып кетіңіздер", – деді видеода Асан Мажит.

Еске сала кетейік, осыған дейін Мақпал Жүнісова да дәл осылай алаяқтардан алданған болатын.