"Аманатын тапсырдық": өнер жұлдыздары оралдықтардың қазіргі жағдайын біліп қайтты (видео)
Опубликовано:
Роза Әлқожа бастаған жұлдыздар тобы Орал қаласына барып, отандастарының қал-жағдайын біліп қайтты. Әртістер жергілікті халыққа қолдау білдіріп, өнерімен еңсесін көтеруге тырысқан, деп жазады KAZ.NUR.KZ.
Роза Әлқожа Instagram парақшасында оралдықтармен кездескен сәтінен видео жариялады. Әнші қала тұрғындарына өнер адамдарының аманатын табыстағанын айтты.
Сонымен қатар қалада су тасқынының алдын алу жұмыстары қалай жүріп жатқанын көрсетті. Өнер иелері жергілікті халықтың көңілін көтеру үшін ән шырқап, кішігірім концерт ұйымдастырған.
"Кеш жарық! Оралға келіп елмен амандасып, өнер адамдарының аманатын тапсырдық, арасында ән де салдық", - деп жазды Роза Әлқожа.
Айта кетейік, бұған дейін бір топ өнер жұлдызарының су басқан өңірлерге аттанғалы жатқанын жазған болатынбыз.
Мақаланың түпнұсқасы: https://kaz.nur.kz/showbiz/2086118-amanatyn-tapsyrdyq-oner-zuldyzdary-oraldyqtardyn-qazirgi-zagdaiyn-bilip-qaitty-video/
