Отандық актер Алмат Құрақ шаңырақ көтерді (видео)

"Шам" театрының басшысы, актер Алмат Құрақ шаңырақ көтерді. Бұл жайлы актер Еркебұлан Дайыров айтты, деп хабарлайды KAZ.NUR.KZ.

"Бақытты болыңдар, алтындарым", - деп жазды Еркебұлан Дайыров Instagram-дағы парақшасында.

Сонымен қатар актердің мәліметінше, қыз ұзату тойына Асан Мәжит екеуі бас құда болып барған.

Айта кетейік, Алмат Құрақтың таңдауы Мұхтар Әуезов атындағы драма театрының актрисасы Әсел Сайлауоваға түскен.

Желіге тараған видеодан қыз ұзату тойына "Шам" театрының актрисасы Зарина Кәрмен мен Салтанат Бақаеваның да барғанын көруге болады.

Еске сала кетейік, Алмат Құрақ 1997 жылы дүниеге келген, Шымкент қаласының тумасы.

Осыған дейін "Шам" театрының актерлері отандық бағдарламаға келіп, Алмат Құрақтың театр басшысы екенін ашып айтқан болатын.