Танымал мобилограф Қыран Талапбек "Құрмет" орденінің иегері атанды (фото)

Танымал мобилограф Қыран Талапбек "Құрмет" орденінің иегері атанды. Бұл туралы KAZ.NUR.KZ кәсіпкер Сырымбек Таудың Instagram-дағы парақшасына сілтеме жасап хабарлайды.

"Сүйінші! Құтты болсын "Құрмет"! Лайықтысың", - деп жазды Сырымбек Тау Instagram-дағы жеке парақшасының Stories бөлімінде.

Айта кетейік, Қыран Талапбек Астанада өткен ШЫҰ саммитіне келген бірқатар ел басшысын видеоға түсіріп, оны Instagram-дағы парақшасында жариялады.

Басқа президенттер мобилографтың бейнежазбасын қабылдамаса да, Моңғолия басшысы аталмыш коллаборацияны бірге жариялауға келісімін берген.

Бұдан бөлек, Қазақстандық танымал видеограф Қыран Талапбек келіншегі Гүлзада Тұрлашты туған күнімен құттықтап, оған аса бағалы сыйлық тарту еткенін жазған едік.