Актриса Жарқынай Ханайым көпшілікке сүйіктісін көрсетті (фото)
Жарияланған күні:
Бірінші некесі сәтсіз аяқталған актриса Жарқынай Ханайым желіде бейтаныс жігітпен түскен суретін жариялап, елді қызықтырып қойды. Оқырмандар өнер иесі сүйіктісін жолықтырды деген болжамдар айтып жатыр, деп жазады KAZ.NUR.KZ.
Жарқынай Ханайым жеке өміріндегі өзгерісі туралы Instagram-дағы парақшасы арқылы хабарлады. Әнші ару бейтаныс азаматпен түскен суретін жариялап, елдің қызу талқысын тудырған.
Фотода ер адам актрисаға гүл шоғын сыйлап, маңдайынан сүйіп жатқанын көруге болады.
Айта кетейік, Жарқынай Ханайым бұған дейін Аша Матайдың туған ағасы Айдар Асқарбекке тұрмысқа шыққан болатын. Алайда жұлдызды жұп 2021 жылы айырылысып кеткенін хабарлаған еді. Олардың ортақ Айлана есімді қызы бар.
Актриса жолдасымен не үшін ажырасып кеткенін ашып айтты. Ол атышулы "Рауза" телехикаясындағы "сүйісу сахнасы" өз септігін тигізгенін растады.
Мақаланың түпнұсқасы: https://kaz.nur.kz/showbiz/2137872-aktrisa-zharqynai-hanaiym-kopshilikke-suiiktisin-korsetti-foto/
