"Даналыққа үйреткен": Дина Төлепберген бала кездегі көршісінің үйіне барып, бата алды (видео)
Жарияланған күні:
Отандық журналист Дина Төлепберген бала кездегі көршісінің үйіне барып, бата алды. Тележүргізуші бұл жайында Instagram желісіндегі парақшасында жазды.
Дина Төлепбергеннің сөзінше, көрші әжей өзіне бауырсақ пісіруді үйреткен.
"Біздің ауладағы ең қонақжай апа сіз едіңіз. Үнемі жеті нан пісіріп, шелпектерді тарататын едіңіз. Жүзіңіз жылы, 20 жыл өтсе де өзгермегенсіз", - дейді журналист әжейге.
Тележүргізуші желі оқырмандарына балалық шағы туралы сөз қозғауды ұмытқан жоқ.
"Апамның балаша қуанғанын қараңызшы. Көрші ақысы - Тәңір ақысы дейді. Балалығымда даналыққа үйреткен көрші апаммен амандасып кетуге келдім. Ұлық болсаң, кішік бол… Адамды асқақтатын алтын емес, алғыс бата дерсің…
Үлкен қалаға ақша емес, арманды алып аттанып ем. Жетістікпен келіп, сәлем беріп кету - қандай бақыт. Көрші апамның батасына әумин деп қойыңызшы!", - деп жазды Дина Төлепберген.
Мақаланың түпнұсқасы: https://kaz.nur.kz/showbiz/2150497-tangir-aqysy-dina-tolepbergen-bala-kezdegi-korshisining-uiine-baryp-qaitty-video/
