"Еліктеуді қашан қоямыз": Меруерт Түсіпбаева трендтен қалмайтындарға шүйлікті
Опубликовано:
Отандық танымал әнші Меруерт Түсіпбаева бүгінде тренд қуып, қомақты қаржысын орынсыз жұмсайтындарға желіде үндеу жасап, наразлығын білдірді. Бұл туралы KAZ.NUR.KZ жазады.
Меруерт Түсіпбаева желіде хит болған дубай шоколады мен жапон жүзімін жаппай алып жатқандарға шүйлікті. Өнер иесі шетелден келіп жатқан екі өнімнің де дәмін татып көрмегенін айтты.
"Дубайский шоколадтың дәмін татпадым. Түрінен шошыпкеттім, оның үстіне калорий көп. Бір танысым 25 мыңға 1 шоколадты сатып алып, видео түсіріп жеп отыр екен. Ішімнен ойладым, бірақ бетіне айтпадым енді. Оны алғанша "Қазақстан" шоколадынан 35 тал алмаймын ба деп ойладым. Ал жапон жүзімін тіптен жемеймін. Түрі жаман, пәлесінен аулақ! Осыларды жемесем де, көштен қалдым демеймін. Шүкір, ең бастысы тірімін. Осы біз еліктеуді қашан қоямыз екен?! Анау солай жасады, менде қалмайын дегенді қою керек", - деп жазды әнші Instagram-дағы парақшасында.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/scandals/2187756-elikteudi-qashan-qoiamyz-meruert-tusipbaeva-trendten-qalmaityndarga-shuilikti/